Darllen yn Well ar gyfer yr Arddegau

Childline
Gwybodaeth, awgrymiadau a thechnegau, syniadau ac ysbrydoliaeth i helpu unrhyw un dan 19 oed yn y Deyrnas Unedig i deimlo bod ganddo fwy o reolaeth. Mae’n rhoi sylw i ystod eang o bynciau sy’n effeithio ar blant a phobl ifanc, gan gynnwys bwlio, y corff a delwedd corff, teimladau, perthnasoedd ac ysgol, coleg a gwaith.

Young Minds
Cefnogaeth i blant a phobl ifanc gyda’u hiechyd meddwl, gan gynnwys awgrymiadau a chyngor ymarferol gan bobl ifanc, yn ogystal â gwybodaeth am sut i chwilio am cefnogaeth. Mae’r pynciau eang sy’n cael sylw yn cynnwys cyflyrau, teimladau, ymdopi â bywyd a chefnogi ffrindiau. Mae hefyd yn darparu gwybodaeth i rieni a’r rhai hynny sy’n gweithio gyda phobl ifanc.

The Mix
Cymorth a gwybodaeth i rai dan 25 oed am unrhyw heriau y gallen nhw fod yn eu hwynebu. Mae’r pynciau eang sy’n cael sylw yn cynnwys rhyw a pherthnasoedd, delwedd corff, iechyd meddwl, arian a gwaith ac astudio.

Every Mind Matters (GIG)
Cyngor ac awgrymiadau ymarferol i helpu pobl ifanc i ofalu am eu hiechyd meddwl a’u lles. Mae’r pynciau sy’n cael sylw yn cynnwys ymarfer corff, cwsg a sut i ofalu am dy hun ar y cyfryngau cymdeithasol.

On My Mind (Canolfan genedlaethol plant a theuluoedd Anna Freud)
Gwybodaeth wedi’i chreu ar y cyd â phobl ifanc er mwyn grymuso pobl ifanc i wneud dewisiadau gwybodus am eu hiechyd meddwl a’u lles. Mae’r pynciau sy’n cael sylw yn eang ac yn cynnwys iechyd meddwl LHDTCRh+, hunan ofal, colled a phrofedigaeth, y cyfryngau cymdeithasol a chefnogi eraill.

Mind
Gwybodaeth a chyngor ar iechyd meddwl i bobl ifanc 11–18 oed. Ymhlith y pynciau sy’n cael sylw mae deall iechyd meddwl a lles, teimladau a phrofiadau, gofalu amdanat ti dy hun a hawliau.

Talk to Frank
Gwybodaeth onest am gyffuriau, gan gynnwys ffeithiau am gyffuriau a beth i’w wneud os wyt ti’n poeni am rywun.

Cymru

Hwb – pecyn cymorth iechyd meddwl pobl ifanc
Chwe rhestr chwarae i gyfeirio pobl ifanc at amrywiaeth o adnoddau ar-lein i gefnogi iechyd meddwl a lles. Mae’r rhestrau chwarae yn cynnwys gwefannau hunangymorth, apiau, llinellau cymorth a mwy.

Meic
Llinell gymorth sy’n cynnig gwybodaeth, cyngor ac eiriolaeth i blant a phobl ifanc dan 25 oed yng Nghymru. Gwybodaeth am y gefnogaeth sydd ar gael yn lleol yn ogystal â gwasanaeth llinell gymorth sydd ar gael dros y ffôn, drwy neges destun neu ar-lein.

Stem4 Clear fear
Ap yw Clear Fear a ddatblygwyd gan Dr Nihara Krause, seicolegydd clinigol ymgynghorol, ar gyfer stem4. Elusen iechyd meddwl yw hon i bobl ifanc yn eu harddegau. Mae’n defnyddio CBT, triniaeth sy’n seiliedig ar dystiolaeth, i ddatblygu’r gallu i leddfu ymatebion corfforol i fygythiad drwy ddysgu i anadlu, ymlacio a bod yn ofalgar, yn ogystal â newid meddyliau ac ymddygiadau a rhyddhau emosiynau.
Ar gael ar Google Play ac AppStore

Stem4 Move mood
Ap yw Move Mood a ddatblygwyd gan Dr Nihara Krause, Seicolegydd Clinigol Ymgynghorol ar gyfer stem4. Elusen iechyd meddwl yw hon i bobl ifanc yn eu harddegau. Mae’n defnyddio Therapi Actifadu Ymddygiadol, triniaeth sy’n seiliedig ar dystiolaeth, i’ch helpu i wella’ch hwyliau, a hynny drwy eich annog i gynyddu’ch cymhelliant i gyflawni cyfres o dasgau er mwyn eich helpu i symud ymlaen, cymryd rheolaeth a theimlo’n optimistaidd.
Ar gael ar Google Play ac AppStore

Apart of Me
Gêm yw Apart of Me sydd wedi’i chynllunio i helpu pobl ifanc sydd wedi colli rhiant neu berthynas agos, neu y mae rhywun pwysig yn eu bywyd yn dioddef o salwch angheuol. Mae’r gêm wedi’i hanelu at bobl ifanc 11+ oed.
Ar gael ar Google Play ac Apple